موضوع خطير جد وأهم موضوع انهارده

صوره من صور الحب الحرام المنتشر بين الشباب


صوره من صور الحب الحرام المنتشر بين الشباب
كتبها لكم نور الدين سويفى
انا حبيت اكتب الموضوع ده خاصه للبنات الى بتتغر من الكلام المعسول بتاع الشباب والاوهام الفاضيه الى بتعيشها وفى النهايه مستقبلهم بيضيع
انا كتبت القصه دى علشان ابين خطوات الشيطان الى بيسحب بيها الانسان بالتدريج للزنا
وقد يستغرق الامر شهور وسنين

بداية القصه يبدا التعارف بين الشاب والفتاه باى طريقه سواء فى الجامعه او المدرسه او اى مكان
بداية الموضوع يكون بالاعجاب من بعد حيث يعجب الشاب بالفتاه او العكس من خلال النظر من بعد
وده اول غلطه لان الايه بتقول يعنى ان الكفار هاتعجبكم اجسامهم واشكالهم وياسلام عليهم زى الفل فى اشكالهم بس للاسف هما كفار
او دواخلهم قذره

يعنى الانسان مايتغرش بالمظاهر
بعد عملية الاعجاب يشوفوا بعض هى تقول انا حاسه انه طيب وهو يقول البنت دى مؤدبه الى اخر الامر
المرحله الى بعد كده
يبدا اللقاء نفسى اتعرف عليكى اكتر انا حاسس انك انسانه محترمه
فى البدايه تتكسف
وتديله ظهرها ولكن بعد مطاردات تستمر ايام او شهور خلاص ممكن نتعرف
اتعرفوا على بعض خلاص يبقى تمام
بعد فتره من التعارف وبعد لما كل طرف يثق فى التانى
تبتدى المرحله الى بعد كده
تحكيله همومها وهو يحكيلها هموموا

دى مراحل البدايه
بعد فتره لما يسمعوا لشكاوى بعض
انتى هاتعملى ايه وانت هاتعمل ايه
مش عارف مش عارفه
تبقى الحكايه فى البدايه حب اخوى زى ماهم متصورين ولكن مافيش حاجه اسمها
ان ست يكون ليها راجل خليل كما فى الايه القرانيه

ودى كلها خطوات الشيطان الى بيسحب فيها الانسان بالتدرج من غير الانسان مابيشعر

وبعد فتره لما اتاقلموا مع بعض ممكن نتقابل بره مع بعض هى فى البدايه اخويا قرايبى ممكن حد يشوفنى يقولها ماتخافيش هانتقابل فى مكان بعيد
بعد لما يتقابلوا والامور تبقى تمام معاهم

خلاص دلوقت فيه ثقه والامور تمام معاهم
يعزمها على حاجه هى تعزموا على حاجه حاجات من النوعيه دى
يبتدى الحوار بينهم انا بصراحه عاوز اتجوز بس الامكانيات واديكى شايفه المهور غاليه ومحدش بيرحم هيا ترد عليه ربنا يرحمنا اهالينا
لازم يكونوا افضل من كده الرسول ماقلش كده ماقلش فى تغلية المهور

دى بداية الامر

بعد كده بفتره يقلها انا معجب بيكى ونفسى ارتبط بيكى بس الظروف هى ترد عليه معلش نبتدى السلم واحده واحده
وهاكون جنبك ان شاء الله
بعد فتره تانى
ايده تلمس ايديها من غير مايقصد هو يقولها انا اسف ماكنش قصدى هى فى البدايه هاتكون متدايقه بس بعد كده هاتتقبل الامر وتقول لنفسها خلاص عديها ده ماكنش يقصد
تعديها وبعد فتره تانى يحصل نفس الموقف
خلاص انت طيب وماتقصدش حاجه
مره فى مره
يقولها انا حاسس انى بكون مطمن لما بكون معاكى بحس ان هموم الدنيا كلها اتشالت من على قلبى
هى ترد وانا كمان ماقدرش ابعد عنك
بحس انك طيب وشهم وووو......... الى اخره
المرحله الى بعد كده يقلها عندى احساس انى عاوز امسك ايدك هى تستغرب
يقولها باحس بالامان وانا معاكى نفسى اتقرب منك اكتر
هى فى البدايه ترفض
بس تفكر شويه
لا انا ماقدرش استغنى عنه مش هاقدر ارفضله طلب ده مؤدب وبعد كده انه يمسك ايدى مافيهاش حاجه مس الايد مش من الكبائر دى من الذنوب الصغيره ابقى
اتصدق او اعمل اى حاجه بسيطه ليها حل
يمسك ايدها وبعد لما مسك ايدها

ماقدرش استغنى عنك
مش بعرف انام الليل وانتى بعيده عنى
نفسى تكون زوجتى نفسى اغمض عينى وافتحها ونكون لبعض
امتى هايجى اليوم ده
هى وانا كمان مش بانام اليل من غير لما افكر فيك
بعد لما مسك ايدها خلاص بقيت الامور عاديه لما يخرج معاها مايقدرش يسيب ايدها وتبقى الامور عاديه وايديهم متشبكين مع بعض
بعد فتره من الموضوع ده والامر يكون كبر شويه
انتى جميله فى نظرى ممكن اخد منك قبله
قبله بريئه
هى لالا مش هاسمحلك لغايه كده ولا
هو بس انا اسف ماكنش قصدى ماعرفش ازاى خرجت عن شعورى
وقلت كده
انا اسف ويبتدى شريط من الاعتزارات
هى خلاص ماتقولش كده تانى
هو حاضر
بعد فتره
بس انا ماقدر ش استغنى عنه ياترى هو زعل منى ولا لا
طب ليه انا صديته كده
هاعمل ايه دلوقت
يارب ايه الورطه الى انا فيها دى
بيتقابلوا عادى
بس فكره القبله لسه موجوده
خلاص انا ماقدرش اعيش من غيرك وعاوز اتجوزك سواء اهلك وافقوا او لا مافيش حل
هاعمل ايه قوليلى
هى طب شوف اهلى
هو يقول مانا عارف ان اهلك هايرفضوا
ايه رايك نتجوز فى السر
لالا ماينفعش الجواز فى السر حرام
وسمعتى
لالا ماينفعش


بعد فتره
خلاص احنا هانكون لبعض نفسى اقبلك طبعا القبله بتكون بعد شوية كلام رومانسى
هى خلاص اسمحلك المره دى وبس دى اخر مره هاتاخد الطلب ده
بعد فتره خلاص بقيت هى الى لازم تقبله
مش هو
وصلوا لمرحله خطيره مع بعض
هو انا خلاص مش قادر استحمل بعدك ويعيط شويه وهى وانا مش عارفه اهلى ليه رافضين
وبعد موقف رومانسى
يبتدى يحضنها
وهى خلاص بقيت زى الخاتم فى صباعه

بعد المواقف الرومانسيه دى كلها
بقى خلاص اللمس والقبله والحضن هما الحاجه الى بتجمعهم يعينى عليهم عشاق بقى بس فى الحرام
بعد كده يقولها بعد فتره طبعا الامور ماتجيش غير بالتدريج
نفسى اقضى معاكى ليله رومانسيه ماقضهاش اى اتنين فى الدنيا
هى طبعا بقيت زى الخاتم فى صابعه خلاص
ازاى وفين وكيف
بصى انا عندى شقه واحد صاحبى فاضيه نتقابل فيها
ايه رايك
ماشى
هو ممكن يكون بيخلى صاحبه يصورهم طبعا او اى حاجه من اجل الفضايح المهم
بعد فتره من مشوار الحب الصعب ده
ياخد الليله بتاعته
فى البدايه علشان هى بكر تطلب منه الممارسه السطحيه بعد مره واتنين وعشره خلاص
شرف البنت راح
طبعا هى كانت بتاخد حبوب منع الحمل
يعنى مفيش حمل
هاتساله كل شويه هاتقابل اهلى امتى
هو والله الفتره دى مشغول جدا الدنيا صعبه الاقيها منين ولا منين
مش عارف هى تقوله ربنا يعينك

مره فى مره ويبتدى يتهرب منها

فى النهايه ترحله
انت بتتهرب منى ليه
هو انا ازاى هامن اعيش معاكى وانتى سلمتيلى نفسك قبل مانتجوز يبقى لما نتجوز هامنلك ازاى انك ماتعمليش كده مع غيرى
ياريت ماتعديش عليا تانى

طبعا البنت تنهار نفسيا وتبكى صبح وليل وتبكى بدل الدموع دم
اعمل ايه فى الورطه دى يارب خلصنى
اعمل ايه
خلاص مستقبل البنت اتدمر
وياترى هاتتجوز ازاى ولما تتجوز هل هاتخبر زوجها
بالى كان
وياترى هاتعمل عملية ترقيع طب وبعد لما تعملها هل الالم الى فى نفسها هاتنساه
وياترى وياترى اسئله كثيره تدور فى ذهنها
وهى الى جابت التعاسه لنفسها بعد لما كانت
متدينه ومحترمه
بس الشيطان سحبها بالتدريج
كما قال الله فليحذر الذين يخالفون عن امره ان تصيبهم فتنه او يصيبهم عذاب اليم
كل معصيه بتجر معاها معصيه تانى لان الموضوع عامل زى السلسله الصغائر بتجر وراها كبائر
ويارب تكون القصه الى كتبتها فيها عظه للشباب


مافيش حاجه اسمها اخوات وبس معظم النار من مستصغر الشرر والعلاقه هاتكبر يوم من بعد يوم وقد تصل الى عاقبه غير محموده

ودى خطوه من خطوات سلم الخطيئه لان المعصيه الانسان مابيقعش فيها مره واحده لا بيقع فيها بالتدريج يعنى واحده واحده الامور هاتتطور والعلاقه هاتكبر
وهاتكون كارثه


ربنا بيقول ولا متخذات اخدان
يعنى الست ماينفعش يكون ليها خليل
وده باب من ابواب الشيطان و نهايته الزنا

يا سلام ماشي هتشوف هعمل فيك ايه بكرة في التمرين كلمني علي الياهو الان

موضوع حلو بس يمكن اللى انت بتقوله بيحصل بس مش كتير يعنى



ويمكن انا من الناس اللى مش بتأيد الصداقة بين الولد والبنت
بس مش معنى كده انه مش يبقى فيه تعامل بين الطرفين
حلو لما يكون كل واحد فى الاتنين اذا كان ولد او بنت عارف حدود علاقته مع البنت
اللى بيتعامل معاها ، ما هو مش هنقطع اعلاقات بينا ولا ايه


واصلا الزمن اللى احنا فيه مينفعش ان العلاقات بينا تتقطع
لكن حلو العلاقة اللى فى حدود الادب والاحترام والمكان اللى فيه اى كان المكان ده ايه

برافو عليكي انتي فعلا انسانة متحضرة جدا والله برافو واتمني ان نكمل المسيرة هنا