حصريا (مسلسل سنه اولى جواز ) الاسبوعى

اهلا بكم اعزائى المشاهدين فى قناة توتى للدراما الاجتماعيه
انا النهارده جيبالكم مسلسل جديد اسمه ( سنه اولى جواز )
سيتم عرض حلقه واحده كل اسبوع من مسلسلنا
باذن الله
المسلسل لذيذ وشيق جدا
واتمنى يعجبكوا
اترككم مع الحلقه الاولى من المسلسل
واتمنى لكم مشاهده طيبه
كانت معكم المذيعه المتالقه بسنت

المسلسل سيكون عباره عن قصة زوجين (( احمد و ساره )) فى سنه اولى جواز
وسوف يكون كلام ساره باللون الاحمر وكلام احمد باللون الازرق علشان يبقى سهل التفريق

الحلقه الاولى

اخيرا اصبحت فى شقتى ... بيتى الصغير ... احساس جميل ان يكون للبنت بيت خاص اختارت فيه كل ركن وكل جزء على زوقها تفعل فيه ما تريد وتشعر بالفعل انها ملكه متوجه ... اخيرا انتهت الترتيبات والمشاوير والسهر والخناقات من اجل فرش هذا العش الرئع الصغير ... اخيرا انتهى ضجيج الفرح وتفحص المعازيم فيا كأنى هابطه من المريخ وكل واحده من عواجيز الفرح تمصمص شفايفها وتقول ( مش كانت بنتى احسن ) تعبت جدا من حمل الفستان الثقيل والحذاء الضيق ... سبحان الله كل احذية العرايس بتكون ضيقه ليه؟ ... واخيرا اخيرا هكون لوحدى
ايه ده صوت احمد بيقول ( مدام احمد اجمع عندى بالخطوه السريعه ) مدام؟؟ انا يا بيه؟؟

ايه يا ستى سرحانه فى ايه ده كله؟ هو علشان مافيش حد فى جمالك النهارده يبقى خلاص ؟
لا ياهانم انا لما انده عليكى تيجى قبل ما انده مفهوم؟
وبعدين فين القطه علشان ادبحهالك
انت عاوز تاكل قطط النهارده ولا ايه ... لو دبحتها هاطبخهالك فورا!!!
تطبخيها !! بنات اخر زمن .. يعنى مش خايفه منى ؟
لا مش خايفه فرحانه جدا وانت ؟
انا اسعد انسان فى الدنيا .. اول مره نتكلم انا وانتى من غير الف محرم وعزول فى بيتنا الجميل البيت الرائع بجد زوقك طلع يجنن يا ساره لما كل حاجه اتفرشت ... واجمل ما فيه ان حبيبتى فيه
لالالا مفيش كسوف خالص ... خلاص خلصنا الحدوته دى.. شوفى انا بقول علشان ربنا يكرمنا فى حياتنا نصلى انا وانتى ركعتين علشان ربنا يكرمنا فى حياتنا ويباركلنا فى كل خطوه
ماشى ؟
ماشى يا حبيبى ...
حبيبى ؟؟!! لا ياستى قومى غيرى هدومك واتوضى لاحسن كده مش مصليين خالص

قمت ودخلت حجرة النوم ولا ادرى عندما دخلتها لماذا ارتجفت ؟؟
الله يسامح كل البنات اللى رعبونا لما اتجوزوا ... ليه يعنى هى حرب ؟
انا مش هفكر فى حاجه علشان ما اديهاش عياط من اولها
يا خبر ايه كل الجيبونات اللى فى الفستان دى ده انا كنت شايله حديد زى المصارعين مش فستان
لازم يعذبوا البنات فى كل حاجه والله حرام الغلب ده
غيرت الفستان باعجوبه وارتديت عباءه مطرزه جميله
ولم اجرؤ ان ارتدى الطقم الذى اوصتنى امى ان ارتديه ... العالم دى بتهرج اكيد!!
وتوضأت فى حمام غرفة النوم وازلت الماكياج
واسدلت شعرى ليراه احمد الاول مره وخرجت له لاراه غير البدله وارتدى البيجامه التى اوصانى العالم كله ان اهديها له وكان الجوازه ستفشل لو لم ان العروسه لم تهدى لعريسها بيجامه ليلة الزفاف وسيكتب الخبر فى الصفحه الاولى
وجدته ينظر الى نظرة كلها اعجاب وحب واستقبلنى مهللا

انا عرفت دلوقتى ليه الحجاب فرض ... لو كنتى بتخرجى بشعرك الجميل ده كانت حصلت مظاهره
يلا يا ستى نصلى احسن كده مش هينفع خالص

وصليت وراء زوجى لاول مره وحسيت احساس رائع ان زوجى الامام وان الله شاهد علينا ونحن نبتهل بين يديه ان يرزقنا السعاده والتوفيق ودعا احمد دعاء طويل وامنت عليه وانا ادعوا من قلبى ان يحقق الله كل كلمه فيه وان يكون زوجى حبيبا طوال العمر والا يفرقنا الا الموت والا يدخل الشيطان بيننا ابدا ...
وانتهينا من الصلاه وجلسنا واحتضن احمد يدى فى يديه لاول مره .. فارتجفت وظهر على ارتباكى وصاحبنى خوفى واسترجعت كل الحكايات المفزعه التى سمعتها من اغلب البنات وواضح ان خوفى كان ظاهرا على ولاحظه احمد فوجدته ينحنى على ويقول

ايه يا ساره الرعب ده كله ... ايه يا حبيبتى ؟... هى حرب ؟
ما تخافيش من اى حاجه خالص وسيبك من الاوهام دى وحواديت البنات الفارغه ... لو كان الارتباط مفزع ما كانش الاسلام سمى الليله دى ليلة البناء ... يعنى الزوجين يبنوا حياتهم فى الليله دى .. وكان سماها ليلة الحرب العالميه
وياستى انا عاوز اتكلم معاكى واستمتع ان انا وانتى لوحدنا لاول مره وبعدين كل حاجه تيجى على مهلها .. ماشى يا قمر ؟

احسست بجبل ازيح من فوق ظهرى وشكرت تفهم احمد ورقته المتناهيه وتحدثنا طويلا وطويلا
كاننى طوال عمرى لم اتحدث وكان اعذب حديث قولته فى حياتى
اتكلم مع زوجى حبيبى وفتحت له قلبى وسقطت كل حواجز الخجل منى واخرجت كنز المشاعر التى كنت اخبؤها من اول ما خلقت انثى الى اليوم واعطيتها الى الرجل الذى ارتبطت به
ووقتها عرفت عظمة الاسلام فى تحريم العلاقات المحرمه والصحوبيه ولا كيف تشعر الفتاة بهذا الشلال من المشاعر الفياضه البكر لو كانت القت مشاعرها لهذا وذاك ووصلت الى زوجها وهى مليئه بمرارات التجارب الفاشله ؟؟
وشيئا فشيئا سقطت حواجز الرهبه بيننا وتحدثت القلبوب والعيون و.....

اذن ديك الصباح وسكتت شهرزاد عن الكلام المباح
وفى انتظار الحلقه القادمه